Lidhja e Sindikatave të Maqedonisë: Do t’i padisim të gjithë ata që do t’i ulin pagat

14:30 | 20 Mars 2020

Lidhja e Sindikatave të Maqedonisë (LSM) i rikujton të gjithë punëdhënësit të cilët dëshirojnë në këto momente t’i ulin pagat e të punësuarve është në kundërshtim me Ligjin për marrëdhënie pune dhe në kundërshtim me Marrëveshjen e Përgjithshme kolektive për sektorin privat.

Sipas tyre, qytetarët kanë të drejtë të sigurojnë ekzistencë për veten dhe për familjen bashkërisht me sigurinë sociale, njofton Telegrafi Maqedoni.

“Kjo gjendje do të kalojë, por deklarohemi në emër të punëtorëve se gjatë periudhës së ardhshme do të padisim të gjithë ata që kanë ulur pagat duke keqpërdorur situatën”, shprehen nga LSM.

Ata thonë se të gjithë punëdhënësit që veprojnë kundër Marrëveshjes kolektive do të paguajnë më shumë me interesa dhe shpenzime në gjykatë pas tejkalimit të kësaj gjendje, por si shtesë do të jetë edhe shkelja e të drejtave në marrëdhënie pune që cilësohet vepër penale sipas nenit 166 të Kodit Penal.

 

Shpërndaje në rrjete sociale

Lajmet më të lexuara