Partia e kryeministrit të Armenisë, Nikol Pashinyan, ka fituar zgjedhje të rëndësishme parlamentare që konsiderohen vendimtare për orientimin e vendit drejt Perëndimit.

Partia centriste “Civil Contract” e Pashinyan ka siguruar 49.8% të votave, ndërsa “Strong Armenia Alliance” ka dalë e dyta me 23.2%.

Në vendin e tretë është renditur “Armenia Alliance” me 9.9%, shkruan BBC, transmeton Klankosova.tv.

Zgjedhjet e së dielës ishin të parat parlamentare që nga humbja e rëndë ushtarake e Armenisë ndaj Azerbajxhanit në vitin 2023, një shtet me rreth tre milionë banorë në Kaukazin Jugor.

Votimi u pa si një test për përpjekjet e kryeministrit për të thelluar lidhjet me Perëndimin, në një kohë kur vendi përballet me presion ekonomik në rritje nga Rusia, partneri kryesor tregtar dhe aleati tradicional.

Pashinyan, i cili është në pushtet që nga viti 2018, shpalli fitoren të hënën pasi rezultatet e hershme tregonin se partia e tij kishte siguruar mbi 50% të votave.

“Populli armen votoi për paqe, prosperitet rajonal dhe bashkëpunim”, tha ai.