Ad Banner
Ad Banner
Ad Banner
Ad Banner

Edi Rama: Pa shqiptarë nuk ka Maqedoni

23:22 | 1 Shkurt 2017
Trina Galanxhi
Kryeministri i Shqipërisë, Edi Rama ka thënë sonte se pa shqiptarë nuk ka Maqedoni. Ai duke folur për raportimet e mediave serbe dhe ruse se ka qenë protagonisti kryesor në dështimin e marrëveshjes ndërmjet BDI-së së Ali Ahmetit dhe VMRO-DPMNE-së së Nikolla Gruevskit, ka thënë se këto nuk janë të vërteta.
Sipas tij, shqiptarët kanë arritur ta kenë një platformë të përbashkët dhe ajo platformë bazohet në realizimin e marrëveshjeve të dala nga Marrëveshja e përgjithshme e Ohrit.

“Shqiptarët janë shtetformues në Maqedoni”, ka thënë Rama.

Sipas tij, ata duhet ta kenë respektin dhe të jenë të barabartë për liritë e tyre së pari si njerëz dhe pastaj si shqiptarë.

“Thjesht shqiptarët u bënë bashkë atje dhe ne i kemi mbështetur, siç mbështesim dhe respektojmë një Maqedoni të pandashme, por në të cilën shqiptarët janë të barabartë me maqedonasit. Shqiptarët janë shtetformues”, ka thënë kryeministri i Shqipërisë.

Ai ka përseritur se shqiptarët në Maqedoni nuk janë as shtojcë e as minoritet, por janë dhe duhet të jenë të barabartë me maqedonasit.

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm