Jastëkët mund të lahen në lavatriçe, por ja çfarë duhet të bëni më parë për mos t’i prishur

23:27 | 21 Tetor 2018
Arbresh.info

Etiketat e veshjeve, ndërresave apo çfarëdo lloj pëlhure nuk japin të gjithë informacionin për të cilin mund të keni nevojë , por edhe nëse aty do të shkruhej imtësisht rreth procesit të larjes, tharjes apo hekurosjes sërish shumë prej nesh zgjedhin të bëjnë sipas mendjes së tyre sesa të ndjekin instruksionet.

Por kur vjen puna tek jastëkët, as përvoja e as etikat s’do të mjaftonin sepse procesi i larjes së tyre është paksa i komplikuar e ndryshon nga lloji i jastëkut.
Këto të fundit mund t’i lani në lavatriçe, por nëse i keni me pupla sigurohuni të fusni një top tenisi për të shmangur grumbullimin topa topa të puplave.
Zgjidhni procesin e shkurtër, me ujë të ftohtë (gradacioni 30 gradë) dhe mos i jepni komandën e shtrydhjes.
Jastëkët kërkojnë kohë më të gjatë për t’u tharë dhe nëse nuk thahen plotësisht do të mbajnë erë myk. Nxirrini në diell për më shumë se 24 orë!