Lëvizja Vetëvendosje kundërshton fuqishëm marrëveshjen e arritur mbrëmë në Beograd për Asociacionin e komunave më shumicë serbe.

Në një konferencë të thirrur për media Kryetari i kësaj partie, Visar Ymeri theksoi se ky asociacion nënkupton fundin e Republikës së Kosovës, ky asociacion sipas tij do të jetë kushti kryesorë  i cili do të kushtëzoj çdo veprim brenda Kosovës dhe do të ndërhyj drejtpërdrejtë në zhvillimin ekonomik, transmeton arbresh.info

“ Isa Mustafa nuk mund të jete më kryeministër nëse ai nuk jep dorëheqje, duhet të dorëhiqet e gjithë qeveria”, ka thënë Ymeri.

Ndërsa nënkryetari i Vetëvendosjes, Glauk Konjufca tha se është momenti i duhur për të rrëzuar qeverinë sepse sipas tij, nëse populli i Kosovës nuk ndërmerr diçka këtë herë, nuk do të ketë marrëveshje tjetër më të dëmshme për Kosovën.

“Kjo çka ka nënshkruar Isa Mustafa është skandaloze dhe është një tradhti qe i ka bërë popullit të Kosovës. Ne si Vetëvendosje i bëjmë thirrje popullit që të jetë i gatshëm që të zgjedhim çfarëdo mjeti për me ndal krijimin e këtij asociacioni”, ka thënë Konjufca.

Konjufca tha se Vetëvendosje do ta kundërshtojë këtë krijim të asociacionit duke filluar nga iniciativat parlamentare se bashku me partitë tjera opozitare  e deri tek demonstratat masive./arbresh.info