Vrasja e 18 vjeçarit, Kica-Xhelili: Akt makabër

23:29 | 21 Janar 2024
E.G

Nënkryetarja e Lidhjes Demokratike të Kosovës (LDK), Doarsa Kica-Xhelili e ka konsideruar rastin e vrasjes së të riut Lulzim Fejzullahu në Podujevë si akt makabër.

Me anë të një postimi në Facebook, Kica-Xhelili tha se derisa e lëmë drejtësinë të merret me këtë rast, duhet të mbledhim forcë që të këndellemi sa s’e kemi prekur fundin kolektivisht, shkruan Arbresh.info.

“Vrasja e rëndë në Podujevë është akt makabër. Bërthama shoqërore na është cënuar rëndë kur vijmë në ditën kur duhet mbledhur forcë për t’i parë këto pamje nga të rinjë kosovarë. Derisa e lëmë drejtësinë të merret me këtë rast, duhet të mbledhim forcë që të këndellemi sa s’e kemi prekur fundin kolektivisht.”, ka shkruar deputetja e LDK-së./Arbresh.info/