Polici i Kosovës, Afrim Bunjaku u vra deri sa ishte ne detyre në fshatin Bërnjak nga grupet kriminale serbe.

Pas vrasjes, ka reaguar familja e të ndjerit duke thënë se rreshteri Afrim Bunjaku, ra në mbrojtje të integritetit territorial të vendit, transmeton Arbresh.info

Në reagimin e familjes Bunjaku thuhet se rreshteri u vra në mbrojtje të integritetit territorial dhe sovranitetit të venditit gjë të cilën e bëri me nder e krenari deri në frymën e fundit.

Reagimi i plotë;

*TË VDESËSH PËR ATDHE ËSHTË SIKUR TË RILINDËSH PËRSËRI.*

Të nderuar miq, të dashur familjarë,

Sot, në orët e hershme të mëngjesit erdhi një lajm i kobshëm për familjen tonë Bunjaku nga Samdrexha e Vushtrrisë.

Familjari jonë *AFRIM BUNJAKU* , Rreshter në policinë e Kosovës është vrarë derisa ndodhej në detyrë, në veriun e Kosovës, në mbrojtje të integritetit territorial dhe sovranitetit të venditit gjë të cilën e bëri me nder e krenari deri në frymën e fundit.

E pikëlluar familja Bunjaku nga Samadrexha e Vushtrrisë./Arbresh.info