Kryetari i Kuvendit të Kosovës, njëherësh lider i PDK-së, Kadri Veseli, ka vizituar sot familjen Imeri në Ashlan të Vushtrrisë për të ngushëlluar për vdekjem e ish ushtarit të UÇK-së, Kamer Imerit i cili bashkë me tre djemtë e tij ishte pjesë e luftës për liri.

Nëpërmjet një statusi në faqen e tij në Facebook, Veseli ka shkruar se trashëgimia që la pas Kamer Imeri, ka veç një emër: nder dhe krenari.

“Sot isha për ngushëllime në familjen e Kamer Imerit nga Ashlani i Vushtrrisë. Baca Kamer, baba i dëshmorit Bislim Imeri, dje u nda nga ne. Nuk do ta harroj kurrë këtë burrë plot dinjitet e devocion atdhetar. Me tre djemtë e tij ishte pjesë e luftës çlirimtare që nga ditët e para. Trashëgimia që la pas ka veç një emër: nder dhe krenari”, ka shkruar Veseli.