Ad Banner
Ad Banner
Ad Banner
Ad Banner

Vdes udhëtarja në Ferizaj pasi makina godet shtyllën elektrike

21:02 | 18 Tetor 2015
Gita

K. F. 39 vjeçare ka vdekur në orët e hershme të mëngjesit të sotëm, pasi makina në të cilën po udhëtonte ka goditur një shtyllë elektrike.

Aksidenti sipas policisë ka ndodhur në orën 2:00 në magjistralen Ferizaj-Prishtinë te rrethi që lidh këtë magjistrale me një lagje të Ferizajt.

“Ngjarja ka ndodhur kur ngasësi me inicialet G. F., duke mos ia përshtatur shpejtësinë e lëvizjes kushteve të rrugës, me pjesën e përparme të automjejtit goditi rrethin dhe shtyllën elektrike, me ç’rast lëndime të rënda morën ngasësi i veturës si dhe pasagjerja me inicialet K. F. (39),” thuhet në njoftimin e policisë së Ferizajt.

Sipas këtij njoftimi të policisë, të lënduarve fillimisht u është dhënë ndihma mjekësore në Emergjencën e Ferizajt, e pastaj pasagjerja është dërguar në QKUK në Prishtinë ku pas një kohe ka vdekur./Kallxo/

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm