Një person ka vdekur dhe tre të tjerë janë lënduar nga një vetëaksident i rëndë në Lëbushë të Deçanit.

Lajmin për Arbresh.info e ka konfirmuar zëdhënëi i Policisë së Kosovës për rajonin e Pejës, Fadil Gashi.

Gashi bëri të ditur se sipas mjekut kujdestar, tre të lënduarit janë jashtë rrezikut për jetë.

“Në orën 17:17 kemi pranuar informatën për një vetaksident trafiku të ndodhur në Lëbushë të Deçanit. Policia e Kosovës ka dalë menjëherë në vendin e ngjarjes dhe ka hasur në katër persona të lënduar të cilët ndodheshin në një kombi-bus. Të lënduarit menjëherë janë transportuar drejt Spitalit Rajonal në Pejë, ku më pas është konfirmuar se njëri nga ta ka vdekur ndërsa tre të tjerët sipas mjekut kujdestar janë jashtë rrezikut për jetë”, tha Gashi./Arbresh.info/