Tentoi të arratiset nga stacioni policor në Rahovec, kapet dhe rikthehet në ndalim

09:24 | 23 Dhjetor 2025
E.K

Një person i privuar nga liria ka tentuar mbrëmjen e së hënës të arratiset nga Stacioni Policor në Rahovec.

Sipas raportit 24-orësh të Policisë, rreth orës 21:00, i dyshuari, ndërsa ndodhej në dhomat e ndalimit, ka hapur me forcë derën dhe ka dalë nga ambientet e stacionit.

Menjëherë pas incidentit, patrullat policore reaguan dhe arritën ta lokalizojnë dhe ta arrestojnë sërish.

‘Rahovec 22.12.2025-21:00. Raportohet se i dyshuari mashkull kosovar, i cili ka qenë në dhomat e ndalimit, me forcë ka hapur derën e dhomës se ndalimit dhe ka dalë nga stacionit policor për t’u arratisur. Patrullat policore kanë arritur ta arrestojnë të njëjtin dhe ta kthejnë përsëri në Stacion Policor. I dyshuari është dërguar për tretman mjekësor dhe pas tretmanit mjekësor, i njëjti është kthyer në dhomën e ndalimit”, thuhet në raport./Arbresh.info