Sulmohet ekipi i arbresh.info derisa po raportonte për largimin e barrikadës në Mitrovicën e veriut

18:59 | 13 Tetor 2021

Persona të panjohur kanë hedhur sulmuar ekipin e portalit arbresh.info derisa po raportonte për largimin e barrikadës në lagjen e boshnjakëve në Mitrovicën Veriore.

Gazetarja Sahide Dedushi dhe kameramani Pajtim Bejtullahu para pak minuta janë gjuajtur me gurë nga persona të panjohur.

Për fat të mirë, asnjëri prej tyre nuk ka pësuar lëndime.

Ndryshe, gjatë ditës së sotëm janë sulmuar edhe gazetarë të mediumeve të tjera, për çka edhe ka pasur reagime nga institucionet dhe Asociacioni i Gazetarëve të Kosovës, i cili ka kërkuar nga institucionet e sigurisë që t’u ofrojnë më shumë siguri kolegëve gazetarë gjatë raportimit për aksionin e sotëm./arbresh.info/

Shpërndaje në rrjete sociale

Lajmet më të lexuara