Prokuroria Themelore në Prishtinë, njofton se sot, rreth orës 16:00, është pranuar informacioni lidhur me një rast të sulmit fizik ndaj gazetarit Burim Pacolli.

Në njoftim thuhet se menjëherë pas pranimit të informacionit, Prokurori kujdestar ka ndërmarrë veprimet e nevojshme procedural dhe ka autorizuar Policinë e Kosovës për ndërmarrjen e veprimeve hetimore me qëllim të identifikimit të lokalizimit të personave të dyshuar, si dhe për sigurimin e provave relevante.

Aktualisht, organet e rendit jane dukë zhvilluar hetime intensive në koordinim të plotë me Prokurorin e Shtetit. Për shkak të fazës së hershme të hetimit dhe me qëllim të ruajtjes së integritetit të procesit, në këtë fazë nuk mund të ofrohen detaje shtesë.

“Prokuroria mbetet e përkushtuar për trajtimin me prioitet të këtij rasti dhe për garantimin e një hetimi të shpejtë, të paanshëm dhe profesional, në përputhje me ligjin. Për çdo zhvillim të mëtejmë, opinioni publik do të njoftohet me kohë”, thuhet në njoftim./Arbresh.info

LEXO EDHE:

Gramos Krasniqi “Mossi” dhe disa të tjerë sulmojnë gazetarin Burim Pacolli