Statovci në Uashington DC zhvillon intervistë për Bankën Botërore, flasin për projektet kyçe në ekonomi dhe arsim

22:16 | 16 Prill 2023
E.H

Deputetja e Lëvizjes Vetëvendosje, Jeta Statovci po qëndron për vizitë në Uashington DC.

Statovci, atje ka zhvilluar një intervistë më Bankën Botërore ku ka folur për bashkëpunimin në mes të institucioneve të Kosovës dhe Bankës Botërore.

Ajo, në rrjetin social Facebook ka publikuar intervistën e plotë si dhe bëri të ditur se është diskutuar për projektin kyç që është projekti i ekonomisë dhe arsimi digjital në Kosovë.

“Një nga projektet kyçe që u diskutua është projekti i ekonomisë dhe arsimit digjital në Kosovë . Synon të ofrojë akses në internet për çdo qytet, qytezë dhe fshat të Kosovës, duke na bërë një ndër vendet më të avancuara në Evropë në këtë aspekt. Ky është një hap i rëndësishëm drejt ndërtimit të një shoqërie dhe ekonomie digjitale në Kosovë, që të rrisë gjithë produktivitetin ekonomik”, ka shkruar Statovci./Arbresh.info