Shërbimi Korrektuese i Kosovës, ka dhënë sqarim ndaj titullit “ Një i dyshuar me coronavirus në Burgun e Dubravës, dërgohet në Klinikë Infektive”.

Në njoftimin e ShKK-së, thuhet se personi për të cilin bëhet fjalë, nuk ka qenë asnjëherë i paraburgosur ose i burgosur në Qendrën Korrektuese në Dubravë, transmeton arbresh.info.

Shërbimi Korrektues i Kosovës, njofton se përmes mekanizmave të brendshëm është duke vazhduar realizimin e detyrave të cilat dalin nga plani operativ “Corona Virus”, me ç` rast njofton opinionin publik se çdo gjë deri më tani është nën kontroll dhe nuk ka nevojë për panik.

Në fund ShKK, ka kërkuar nga mediat që para publikimit të shkrimeve të tilla, të kontaktojnë ata, për të verifikuar informacionin.

Kjo është komunikata e plotë nga Shërbimi Korrektuese i Kosovës:

“Prishtinë, 04 prill 2020 – Sqarim lidhur me shkrimin e titulluar: “Një i dyshuar me coronavirus në Burgun e Dubravës, dërgohet në Klinikë Infektive”, të publikuar në Kallxo.com.

Pas këtij shkrimi të publikuar, Shërbimi Korrektues i Kosovës sqaron për opinionin publik se, personi për të cilin bëhet fjalë, nuk ka qenë asnjëherë i paraburgosur ose i burgosur në Qendrën Korrektuese në Dubravë.

Shërbimi Korrektues i Kosovës përmes mekanizmave të brendshëm është duke vazhduar realizimin e detyrave të cilat dalin nga plani operativ “Corona Virus”, me ç` rast njofton opinionin publik se çdo gjë deri më tani është nën kontroll dhe nuk ka nevojë për panik.

Shërbimi Korrektues i Kosovës do të vazhdoj të mbetet i përkushtuar për transparencë të plotë para qytetarëve, andaj kërkojmë nga mediat që para publikimit të shkrimeve të tilla, të na kontaktojnë për të verifikuar informacionin”./arbresh.info