Kolona e automjeteve në Merdare është rritur edhe më shumë gjatë mbrëmjes.

Deri në katër orë po presin qytetarët për të kaluar kufirin Serbi-Kosovë, raporton Indeksonline.

Kolona e automjeteve në këtë pikë kufitare është e gjatë gati një km dhe se pritjet po janë tejet të gjata prej 3 deri në 4 orë.

Ndërsa sipas informacioneve të orës 22:00 nga Qendra Kombëtare për Menaxhimin Kufitar tregojnë se për dallim nga pika kufitare në Merdare, gjendja në pikat tjera është më mirë.

Në Vërmicë kolona është e gjatë deri në 100 metra por në këtë pikë janë hapur katër korsi kalimi dhe qytetarët presin jo më shumë se 20 minuta për të hyrë në Kosovë.

Të Dheu i bardhë kolona është 15 metra sikurse në Han të Elezit. Ndërsa në Mutivodë dhe pikat tjera kufitare që gjithsej janë 12 nuk ka fare kolonë të automjeteve.