Rebelët sirianë do të marrin pjesë në bisedimet për paqe në Kazakistan

Rebel fighters walk carrying their weapons on the outskirts of the northern Syrian town of al-Bab, Syria January 15, 2017. REUTERS/Khalil Ashawi

17:59 | 16 Janar 2017
Trina Galanxhi

Rebelët sirianë kanë vendosur të marrin pjesë në bisedimet për paqe të mbështetura nga Turqia dhe Rusia në Kazakistan.

Rusia, aleati më i fuqishëm i presidentit sirian, Bashar al-Assad, ka vendosur të bëjë një përpjekje të re diplomatike, pasi rebelët sirianë pësuan disfatën më të madhe gjatë muajit të kaluar në Aleppo, transmeton arbresh.info.

Shtetet e Bashkuara, përpjekjet e të cilave dështuan për të nisur bisedime për paqe, nuk do të marrin pjesë në takimin që pritet të mbahet në Kazakistan.

Rebelët kanë marrë vendim që të jenë pjesë e bisedimeve pas një mbledhje të zhvilluar në Ankara dhe tani po punojnë për të formuar delegacionin i cili pritet të udhëhiqet nga Mohammad Alloush.

Ndërkaq, analistët besojnë se rebelët kanë qenë nën presion e Turqisë, një nga sponsorët e tyre kryesorë, për të marrë pjesë në takim./Arbresh.info