Mesfushori holandez i Tottenham Hotspur, Xavi Simons, nuk do të mund të marrë pjesë në Kupën e Botës, pasi ka pësuar një lëndim serioz në gjurin e djathtë.

23-vjeçari ka këputur ligamentin krociat, duke u detyruar të mbyllë sezonin para kohe.

Lëndimi ndodhi të shtunën në përballjen mes Tottenham Hotspur dhe Ëolverhampton Ëanderers, e fituar nga londinezët me rezultatin 1-0. Si pasojë, Simons do të mungojë në ndeshjet e mbetura të Premier League dhe në Botërorin e ardhshëm.

Në një reagim emocional në rrjetet sociale, Simons shprehu zhgënjimin e tij.

“Thonë që jeta është mizore dhe kështu ndihem në këtë moment. Sezoni im është mbyllur keq dhe po përpiqem ta pranoj. Sinqerisht, e kam zemrën të thyer”, tha ai.

Simons theksoi gjithashtu se mungesa në Botëror është një goditje e madhe personale.

“Gjithçka që doja ishte të luftoja bashkë me skuadrën. Tani nuk mund ta bëj. E njëjta gjë vlen edhe për Botërorin, nuk mund të përfaqësoj vendin tim”, ka pohuar ai.

Simons numëron 34 paraqitje me Holandën dhe konsiderohej një nga elementët kyç për turneun.