Ranë nga 5 mijë në 1 mij teste, Vitia: Po bëhen më shumë se në kohën e Zemajt

15:51 | 26 Prill 2021

Ministri i Shëndetësisë, Arben Vitia, thotë se në 28 ditët e kabintetit të ministrisë që po udhëhiqet nga ai, janë bërë 13.64% më shumë testime sesa në 20 ditët paraprake, të qeverisë së kaluar.

Sipas statistikave të Institutit të Shëndetit Publik, në baza ditore testoheshin nga 5 mijë persona, derisa gradualisht ka rënë, duke shënuar sot numrin prej rreth 1500 testimeve në 24 orët e fundit.

Tutje, Vitia  në Kuvendin e Kosovës tha se është i vetëdijshëm për vështirësitë ekonomike që qytetarët dhe bizneset po kalojnë, por duke marrë parasysh shtrëngimin e masave në nivel global, masat e ndërmarra në nivel rajonal dhe evidencat e institucioneve janë bërë masa kufizuese edhe në vendin tonë.

“Masat kufizuese janë në funksion me lehtësira të caktuara, do të jenë të tilla derisa të kemi lajme më të mira…Do të përditësohen çdo dy javë varësisht nga situata epidemiologjike në terren…Kemi ulje të rasteve të reja, të hospitalizimeve dhe vdekjeve…Krahas rënies së numrit dhe përqindjes së të infektuarve ngrihet edhe përqindja e të shëruarve”, tha ndër të tjera Vitia./arbresh.info/

Shpërndaje në rrjete sociale

Lajmet më të lexuara