Dënimet për qytetarët që futën në rrugën, “Xhorxh Bush”, po vazhdojnë nga Policia e Kosovës, duke u bazuar në vendimin e kryetarit të Komunës së Prishtinës, Përparim Rama, por shenjtat informuese se kujt i lejohet e kujt i ndalohet, mungojnë.

Në kohën sa ekipi i “Arbresh.info” ishte prezent në këtë rrugë, dhjetëra vozitësve iu shqiptuan dënimet.
Policia nuk kishte aspak mëshirë ndaj vozitësve që hynin në rrugën e ndaluar për ta.

Policia nuk ka kursyer as mërgimtarët dhe shoferët e veturave zyrtare të institucioneve shtetërore.

Por, nga Komuna nuk është marrë mundi fare që t’i vendos ende shenjat informuese, të cilat lehtësisht do të dalloheshin nga drejtuesit e automjeteve, që e kanë të ndaluar qarkullimin me veturë në këtë rrugë.

I vetmi informim i shkruar që mund të hasin vozitësit, e që është shumë pak i dalluar, është i shkruar në rrugë ku shkruan autobus dhe taksi, pa e bërë të ditur që automjetet e tjera e kanë të dalluar.

Ndërkohë, Komuna e Prishtinës ka nisur sot që ta rregullojë gjysmë sheshin ku do të jetë shëtitore për qytetarët në rrugën, “Xhorxh Bush”./arbresh.info/