Policia gjobit shoferin për shkak të vozitjes së rrezikshme në Prishtinë

16:43 | 11 Janar 2026
E.G

Njësia e Trafikut të Kryeqytetit ka identifikuar dhe gjobitur një shofer për shkak të vozitjes së rrezikshme në Prishtinë.

Sipas njoftimit, shoferi në fjalë është hasur duke kryer manovra të rrezikshme me veturë, veprime këto që kanë rrezikuar sigurinë e pjesëmarrësve të tjerë në trafik, shkruan Arbresh.info.

Pas identifikimit të tij, njësitet policore kanë ndërmarrë veprimet e nevojshme ligjore dhe ndaj shoferit është shqiptuar gjoba për kundërvajtje në komunikacion, në përputhje me dispozitat ligjore në fuqi.

Policia e Kosovës apelon te të gjithë drejtuesit e automjeteve që të respektojnë rregullat e trafikut dhe të kontribuojnë në sigurinë rrugore për të gjithë pjesëmarrësit./Arbresh.info