Policia e Kosovës, në bashkëpunim me njësitë relevante dhe me autorizim të Prokurorisë Speciale, ka zhvilluar një aksion policor në Prishtinë, duke zbatuar urdhër-kontroll të lëshuar nga gjykata.

Sipas zëdhënësit të Policisë së Kosovës, Baki Kelani, bastisjet janë kryer në vendbanimet e personave të dyshuar, në lidhje me veprat penale fajde dhe shpëlarje parash.

“Policia e Kosovës me njesitë e saja relevante, me autorizim të Prokurorisë Speciale, ka realizuar operacion policor në Prishtinë, duke zbatuar urdhër-kontroll të gjykatës, në vendbanimet e përsonave të dyshuar. Operacioni Policor është realizuar mbi dyshimet për veprat penale Fajdeja dhe Shpërlarja e Parave. Pas përfundimit dhe kompletimit të veprimeve policore, në bashkëpunim dhe koordinim me organet e drejtësisë mund të bëhen publike informacione shtesë”, tha Kelani./Arbresh.info