Përmbyllet projekti i mbështetjes së BE-së për prokurimin në Kosovë

07:47 | 30 Qershor 2017

Projekti “Përmirësimi i kapaciteteve administrative në fushën e prokurimit publik në Kosovë”, i cili financohet nga Zyra e Bashkimit Evropian në Kosovë dhe implementohet nga Planet SA organizon konferencën “Prokurimi Publik Nesër – Hapat Përpara”.

Konferenca do të shënojë fundin e mbështetjes katërvjeçare të BE-së për institucionet dhe sistemet e prokurimit publik në Kosovë.

Qëllimi është të paraqitet prokurimi publik si një mekanizëm themelor i vazhdueshëm për ekonominë e Kosovës dhe se si kontributi i BE-së ka ndihmuar në këtë drejtim.

Arritjet e bëra gjatë kohëzgjatjes së projektit do të prezantohen nga ekipi i projektit dhe autoritetet qendrore të prokurimit publik të Kosovës.

Konferenca fillon me paraqitjen e perspektivave të BE-së në fushën e Prokurimit Publik në Kosovë duke përfshirë kriteret e prioriteteve të politikave që duhen përmbushur.

Konferenca do të hapet nga Zyra e BE-së në Kosovë dhe përfaqësuesit udhëheqës të autoriteteve kryesore të prokurimit publik në Kosovë.

Shpërndaje në rrjete sociale

Lajmet më të lexuara