Partia Demokratike e Kosovës ka kërkuar hetim të hollësishëm lidhur me situatën e krijuar në Telekomin e Kosovës.

Sejdi Hoxha nga kjo parti në një konferencë për media ka përmendur edhe vëllain e deputetes së Vetëvendosjes, Fatmire Mulhaxha-Kollçaku, i cili është përmbarues në këtë lëndë, raporton portali arbresh.info.

“Partia demokratike ka parë me shqetësim zhvillimet e fundit lidhur me Telekomin, dikur kompania më profitabile tani buzë falimentimit. Duhet hetuar vëllai i deputetes Fatmire Kollçaku që duke e sjellë atë buzë falimentimit ndërsa pret vetë të fitojë mijëra euro nga ky proces.

“Partia Demokratike si parti opozita kërkon hetim të hollësishëm nga Prokuroria për ata që e kanë sjellë Telekomin në këtë situatë”, tha Hoxha në konferencë./arbresh.info/