Osmani pritet në takim nga sekretari i Shtetit të Vatikanit, diskutuan për raportet e Kosovës me Selinë e Shenjtë

15:10 | 24 Janar 2023
H.E

Presidentja e Kosovës, Vjosa Osmani po qëndron për vizitë në shtetin e Vatikanit.

Osmani atje u prit nga sekretari i shtetit, Kardinali Parolin.

Përmes një njoftimi për media nga Presidenca bëhet e ditur se në këtë takim u diskutua për raportet e Kosovës me Selinë e Shenjtë

“Në takim u diskutua mbi raportet e Kosovës me Selinë e Shenjtë, mbi kultivimin e paqes, harmonisë e bashkëjetesës në mes njerëzve e besimeve të ndryshme, mbi vlerat e përbashkëta, mbi promovimin e mëtejmë të lirive fetare, për rolin e Kishës Katolike në Kosovë si partner të rëndësishëm social, si dhe për thellimin e mëtejmë të bashkëpunimit në fusha të ndryshme”, thuhet në njoftim.

Osmani dje u prit në audiencë edhe nga Ati i Shenjtë, Papë Françesku të cilin presidentja e falënderoi për kujdesin e vazhdueshëm të cilin Selia e Shenjtë dhe vetë Ati i Shenjtë kanë treguar ndaj Kosovës./arbresh.info/