Presidentja e Kosovës, Vjosa Osmani, në një konferencë për media është shprehur se komentimi i vendimeve të Gjykatës Kushtetuese nuk është i ndaluar nga Kushtetuta dhe se kritika  kur është profesionale dhe brenda kornizës demokratike  është plotësisht e pranueshme.

Deklarata e saj vjen në kohën kur në skenën politike ka polemika lidhur me qëndrimet kritike të zyrtarëve të Vetëvendosjes ndaj Kushtetueses dhe bllokadën në Kuvend për nënkryetarin nga Lista Serbe.

“Sa i përket deklaratës së Ambasadës gjermane, ku thuhet qartë që institucionet e drejtësisë duhet të punojnë në mënyrë të pavarur. Si Presidente e kërkoj pikërisht këtë. Kërkoj pavarësi në vendimarrje, integritet, interpretim të Kushtetutës në interes të Republikës, dhe mbrojtje nga rrezikimet. Përderisa kërkoj një gjë të tillë nuk konsideroj se jam duke e minuar punën e Gjykatës”, tha Osmani.

Duke iu referuar deklaratës së Ambasadës gjermane, e cila kërkoi pavarësi të institucioneve të drejtësisë, Osmani tha se si Presidente është pikërisht ajo që kërkon pavarësi në vendimmarrje, integritet në interpretimin e Kushtetutës dhe mbrojtje të institucioneve nga çfarëdo rreziku./Arbresh.info