Presidentja e Kosovës, Vjosa Osmani, ka njoftuar se ka zhvilluar një takim me Brian Mast, Kryetar i Komisionit për Punë të Jashtme në Dhomën e Përfaqësuesve të SHBA-së.

Osmani përmes një postimi në Facebook, ka bërë të ditur se kanë diskurtuar për marrëdhëniet e ngushta dhe të rëndësishme ndërmjet Kosovës dhe Shteteve të Bashkuara.

Osmani theksoi se aleanca e Kosovës me SHBA-në është ndërtuar mbi vlera të përbashkëta dhe angazhim për paqe dhe siguri.

Në këtë takim, presidentja Osmani shprehu përkushtimin e Kosovës për thellimin e bashkëpunimit me administratën e Presidentit Trump.

“Dje në takim me Brian Mast, Kryetar i Komisionit për Punë të Jashtme në Dhomën e Përfaqësuesve të SHBA-së, diskutuam për lidhjen historike të Kosovës me Shtetet e Bashkuara – një aleancë e ndërtuar mbi vlera të përbashkëta dhe përkushtim për paqe e siguri. Me administratën e Presidentit Trump, synojmë thellimin e bashkëpunimit në fusha të ndryshme, përfshirë mbrojtjen, investimet strategjike dhe vazhdimin e punës së përbashkët për forcimin e pozitës ndërkombëtare të Kosovës. Mbështetja amerikane ka qenë dhe mbetet jetike për shtetin tonë”, tha Osmani./Arbresh.info