Këto janë ngjarjet e paralajmëruara të datës 18 korrik.

09:00

Kuvendi i Republikës së Kosovës organizon aktivitetin tradicional “Bashkatdhetarët në Kuvend”. (Kuvendi i Kosovës)

10:00

Instituti i Kosovës për Drejtësi (IKD), me përkrahje të Departamentit të Shtetit Amerikan – Byrosë për Çështje të Narkotikëve Ndërkombëtarë dhe Zbatimit të Ligjit dhe NED-it, mbanë konferencë për media, në të cilën do të prezantohet raporti me titull “Sfidat në trajtimin e krimeve të përgjithshme” (Hotel Sirius, Prishtinë)

11:00

Komisioni për Buxhet, Punë dhe Transfere, shqyrton projektligjin për Regjistrimin e Popullsisë, Ekonomive Familjare dhe Banesave, dhe programin e shpenzimeve të Radiotelevizionit të Kosovës për periudhën korrik-shtator 2022. (Kuvendi i Kosovës, salla C203)

13:00

Zëvendëskryeministri i parë për Integrim Evropian, Zhvillim dhe Dialog, Besnik Bislimi raporton në Komisionin për Integrime Evropiane për ratifikimin e Marrëveshjes së Partneritetit për Kornizën Financiare ndërmjet Republikës së Kosovës dhe Komisionit Evropian për marrëveshjet për zbatimin e ndihmës financiare të Unionit për Kosovën në kuadër të Instrumentit të Para-anëtarësimit (IPA III). (Kuvendi i Kosovës, salla N302)

14:30

Komisioni për Ekonomi, Industri, Ndërmarrësi dhe Tregti, shqyrton nismën legjislative “Projektligji për kriptovaluta”. (Kuvendi i Kosovës, salla N506)./arbresh.info/