Nesër Podujeva do të mbajë mbledhjen inauguruese të Kuvendit të Komunal aty ku pritet të betohen këshilltarët e rinj të Kuvendit të Podujevës si dhe kryetari i rizgjedhur, Shpejtim Bulliqi.

Kjo është bërë e ditur nga zyra për medie e Komunës së Podujevës të cilët kanë bërë të ditur se kjo mbledhje inauguruese do të nisë nga ora 10 e 30 minuta.

“Ju njoftojmë se të hënën më 1 dhjetor 2025 do të mbahet mbledhja inauguruese e Kuvendit të Komunës së Podujevës. Në këtë mbledhje do të bëhet betimi i anëtarëve të rinj të Kuvendit të Komunës dhe betimi i kryetarit të Komunës së Podujevës. Mbledhja inauguruese fillon në orën 10:30 dhe mbahet në sallën e Kuvendit të Komunës’, thuhet në njoftim.

Ditë më parë KQZ-ja certifikoi rezultatet e zgjedhjeve të 12 tetorit për kuvende komunale, përjashtuar këtu komunën e Istogut për të cilën u tha se është ende aktive një ankesë.

Ndërsa, shpejtim Bulliqi u rizgjodh kryetar i Podujevës në raundin e parë të zgjedhjeve që u mbajt më 12 tetor.