Ministrja e Arsimit, Arbërie Nagavci u ka shprehur ngushëllime familjeve Syla, Delina dhe Bibaj për tre të rinjët që humbën jetën mbrëmë  si pasojë e një aksidenti në autostradën “Ibrahim Rugova”.

Me anë të një postimi në Facebook, Nagavci tha se një veprim i jashtligjshëm, mosrespektimi i rregullave dhe sjellja e papërgjegjshme e disa të rinjëve mbrëmë, la pasoja tragjike për viktimat Lordi Syla, Molos Delija dhe Nue Bibaj, shkruan Arbresh.info.

Ndërkaq të lënduarve, Nagavci u ka uruar shërim të shpejtë.

Tutje ajo ka thënë se Ligji i ri për Rregullat në Trafik do të ketë dënime shumë më të ashpra sesa Ligji aktual në fuqi.

“Respektimi me përpikëri i rregullave në trafik, parandalon rrezikun për aksidente në komunikacion, ndërkaq Ligji i ri për Rregullat në Trafik do të ketë dënime shumë më të ashpra sesa Ligji aktual në fuqi.”, përfundoi ajo.

Kujtojmë që aksidenti me fatalitet ka ndodhur mbrëmë rreth orës 22:45 në autostradën “Ibrahim Rugova”.

Dyshohet se pas një garë mes dy veturave në autostradë, i dyshuari ka humbur kontrollin dhe ka goditur tre këmbësor duke u shkaktuar lëndime vdekjeprurëse, si dhe tre të tjerë janë dërguar për tretman mjekësor./Arbresh.info/

LEXO EDHE:

Tre të vdekur nga një aksidenti i rëndë në Prizren, Policia thotë se po garonin me vetura