Komisioni Qendror i Zgjedhjeve (KQZ) po vazhdon me numërimin e votave me postë jashtë Kosovës.

Deri të hënën në mesnatë, në orën 00:54, janë numëruar 124 nga gjithsej 187 kuti të votimit (66.31%) që i përkasin votuesve nga komuna të ndryshme, shkruan Arbresh.info.

Vetëvendosje renditet e para me 52.72% apo 21234 vota.

Lidhja Demokratike e Kosovës (LDK) renditet e dyta me 29.80% apo 12003 vota.

Partia Demokratike e Kosovës (PDK) renditet e treta me 7.98% apo 3213 vota.

AAK-NISMA ka 3.32% apo 1338 vota.

Sipas njohësit të statistikave, Shenoll Muharremi, me këtë trend të votave, Lëvizja Vetëvendosje merr 48 deputetë në Kuvendin e Kosovës.

Nëse ky trend vazhdon, sipas tij, PDK-ja do të ketë 23 deputetë, kurse LDK-ja 21 deputetë. AAK-ja me Nismën, pritet të kenë 8 deputetë.

Megjithatë, mbetet të shihet nëse do të ndryshojë situata pas numërimit të votave me postë dhe votave me kusht dhe ato të personave me nevoja të veçanta./Arbresh.info/