Mehaj premton kushte më të mira e pajisje moderne për ushtarët e FSK-së në vitin 2022

16:29 | 5 Janar 2022
Përparim Bublaku

Ministri i Mbrojtës së Kosovës, Armend Mehaj, ka premtuar kushte më të mira për ushtarët e FSK-së gjatë vitit 2022, si dhe më shumë pajise moderne.

Mehaj, ka vizituar njësitet e FSK-së, duke filluar nga: Shtabi i Përgjithshëm i FSK-së, pastaj Komanda e Forcave Tokësore, Komanda e Logjistikës, Garda Kombëtare dhe Regjimenti Tretë i Këmbësorisë.

“Gjatë këtyre vizitave, ministri Mehaj ndau përgëzimet për sukseset e panumërta të vitit që lamë pas. Përveç përgëzimeve, ministri Mehaj ua prezantoi synimet e tij për vitin që sapo kemi hyrë, ku krahas objektivave operacionalë, me theks të veçantë u garantoi më shumë kushte pune, mirëqenie më të lartë, mundësi të reja aftësimi të mëtejmë dhe më shumë pajisje moderne në vitin 2022”, thuhet në komunikatën e Ministrisë së Mbrojtjes./arbresh.info/