Ish-ministri i Mbrojtjes, Armend Mehaj, përmes një postimi në Facebook ka njoftuar se ka mbajtur një takim lamtumirës me ambasadorin e Shqipërisë, Qemal Minxhozi.

Në këtë takim Mehaj dhe Minxhozi kanë falënderuar njëri-tjetrin për bashkëpunimin, përcjell Arbresh.info.

“Në një takim si vëllezër falënderuam njëri-tjetrin për bashkëpunimin e ngushtë që kishim për gjatë kësaj periudhe”, shkroi Mehaj.

Në ketë njoftim, ndër të tjera thuhet se ngritja e bashkëpunimit me Shqipërinë në fushën e trajnimeve, shkollimeve dhe diplomacisë ka qenë synim që nga dita e parë e mandatit.

“Ngritja e bashkëpunimit me Shqipërinë në fushën e trajnimeve, shkollimeve dhe diplomacisë së përbashkët ka qenë synim që nga ditët e para të mandatit. Këtë e kemi realizuar në mënyrë të shkëlqyer dhe sipas planeve. Bashkëpunimi i tillë duhet të vazhdoj dhe të thellohet në të ardhmen!”, shkroi Mehaj./Arbresh.info