Në tri vitet e fundit në Kosovë, më shumë se 35% e popullsisë nuk kanë shpenzuar asnjë cent në arsimim e trajnime.

Drejtori i hulumtimeve në Institutin për Studime të Avancuara (GAP), Agron Demi, ka thënë se kjo do të lë pasoja afatgjate për gjeneratën e tanishme.

“Përderisa 86.2% e popullsisë së Kosovës shpenzojnë më shumë ose njëjtë e blejnë më pak, e para që e pëson është arsimimi/trajnimet. Këto tri vjet e fundit shpenzimet janë rritë në krejt kategoritë, por kanë rënë në arsim e trajnime. Në kohën e zhvillimeve më të mëdha teknologjike, mënyrën e punës e profesionet e së ardhmes, më shumë se 35% e popullsisë nuk shpenzojnë asnjë cent në arsimim e trajnime. Kjo do lë pasoja afatgjata për gjeneratën e tanishme, e cila me këtë cilësi shkollimi, edhe ashtu është shumë mbrapa bashkëmoshatarëve në vendet tjera”, ka shkruar ai në Facebook, duke ndarë tabelën me statistika./Arbresh.info/