Vetëvendosje është takuar dje me ambasadorin e Francës në Kosovë Didier Chabert.

Përmes një njoftimi bëhet e ditur se Kurti bashkë me anëtarët e Kryesisë, i kanë theksuar ambasadorit rëndësinë e zgjedhjeve të parakohshme, dhe për një Qeveri të re e cila i përqendron forcat në arsim.

Ky është njoftimi i plotë:

Dje, Kryetari i Lëvizjes VETËVENDOSJE!, Albin Kurti së bashku me anëtarët e kryesisë, Fitore Pacollin dhe Arben Vitinë pritën në takim ambasadorin e Francës Didier Chabert bashkë me bashkëpunëtoret e tij zv. shefen e misionit Carole Blestel dhe Celia Freudenberger nga zyra politike.

Përgjatë takimit ramë dakord për nevojën e organizimit sa më të mirë të zgjedhjeve të lira dhe demokratike në Kosovë, pa keqpërdorime dhe shkelje të këtij procesi kaq të rëndësishëm për vendin. Në bisedë i treguam ambasadorit edhe për nevojën urgjente që ka Kosova për një qeveri të re e cila i përqendron forcat dhe vëmendjen e saj për ta lidhur arsimin tonë me tregun e punës, për të luftuar korrupsionin dhe për të rritur investimet në shërbim të zhvillimit ekonomik.

Në përfundim të takimit ambasadori përsëriti përkushtimin e tij në përforcimin e marrëdhënieve bilaterale dhe në ndjekjen e zhvillimeve Kosovë.