Kryeministri Albin Kurti ka reaguar përsëri pas aksidentit tragjik në Kroaci, ku 10 kosovarë kanë vdekur e dhjetëra të tjerë janë plagosur.

Kurti në një postim në Twitter shkroi se është kontaktuar përmes telefonit nga kryeministri Kroat, Andrej Plenkoviç, i cili e ka siguruar se po merren të gjitha masat lidhur me rastin.

Shefi i Qeverisë ka falënderuar autoritetet kroate për përgjigjen e shpejtë.

“Në valën e kthimit të qindra mijëra diasporës sonë për bashkime familjare, një autobus nga Frankfurti në Prishtinë ka dalë nga shinat nga një rrugë në Kroaci duke lënë 10 të vdekur, 8 të plagosur rëndë & 4 nën operacion”, shkroi ai, gjersa shtoi se “Është një ditë tragjike dhe e trishtuar për vendin tonë dhe për njerëzit tanë”.

“Kam marrë një telefonatë nga Kryeministri i Kroacisë Andrej Plenkovic i cili më ka siguruar që po merren të gjitha masat për të bërë më të mirën për të shpëtuar jetën e të plagosurve rëndë dhe për tu kujdesur për të plagosurit. Falënderoj autoritetet kroate për përgjigjen e shpejtë”, tha Kurti në Twitter.

In the homecoming wave of hundreds of thousands of our diaspora for family reunions, a bus from Frankfurt to Prishtina has derailed from a road in Croatia leaving 10 dead, 8 heavily injured & 4 under surgery.

It’s a tragic and sad day for our country and for our people.

— Albin Kurti (@albinkurti) July 25, 2021