Kryetari i Komunës së Istogut, Haki Rugova, është takuar sot me komandantin e Detashmentit të Përbashkët Rajonal- Qendra ( JRDC) të KFOR-it- kolonelin Corrado Benzi me të cilat biseduan lidhur me gjendjen e sigurisë dhe bashkëpunimin e KFOR-it me komunën e Istogut,njofton Koha.net.

Kryetari Rugova ka falënderuar komandantin Benzi për bashkëpunimin si dhe ka njoftuar komandantin lidhur me gjendjen e sigurisë në Komunën e Istogut.

“Ne si institucion komunale punojmë në vazhdimësi për integrimin e të gjitha komuniteteve në komunën tonë , jemi të vetëdijshëm që ata kanë nevojë për përkrahje, dhe jam duke punuar në vazhdimësi për të krijuar mundësi për gjenerim të ardhurave, punësim dhe zhvillim ekonomik për të ju ofruar atyre kushte sa më të volitshme për jetesë të gjitha komuniteteve”, tha kryetari Rugova.

Në anën tjetër komandanti Benzi e falënderoj Kryetarin Rugova për pritjen që ju bë dhe u shpreh shumë i kënaqur që komuna e Istogut ka pasur dhe ka bashkëpunim shumë të mirë më KFOR-in për të ofruar siguri për të gjitha komunitete në vend.