Kica, Muratit: Gjuha juaj skandaloze ju ka bërë partnerë të padurueshëm

17:33 | 7 Maj 2025
E.G

Deputetja e Lidhjes Demokratike të Kosovës (LDK), Doarsa Kica-Xhelili i ka reaguar deputetit të Lëvizjes Vetëvendosje, Hekuran Murati, duke i thënë se askush nuk po i ndalë ta zgjedhin kryeparlamentarin e qeverinë.

Kica-Xhelili përmes një shkrimi në Facebook, ka thënë se VV paradite po fyen LDK-në kurse pasdite po e lutë me nderime, shkruan Arbresh.info.

“Qe 11 herë impononi kandidat të papranueshëm për Kryetar të Kuvendit, dhe interpretoni procese arbitrarisht. Flisni në përsëritje të mërzitshme se si numrat për qeveri i keni, por jo për Kryetar Kuvendi. Kosova është në krizë institucionale me Kuvend të bllokuar nga ju, çka e bën qeverinë tranzicionale zgjidhje pragmatike. Zgjedhjet e reja, të mbajtura kaq shpejt pas atyre të 9 shkurtit 2025, vetëm do t’a thellonin polarizimin politik dhe rrisin apatinë e votuesve, me të drejtë”, ka shkruar ajo./Arbresh.info/