Drejtor i përgjithshëm i Shërbimit Spitalor dhe Klinik Universitar të Kosovës (SHSKUK), Valbon Krasniqi, ka pritur në takim drejtorin e përgjithshëm të Policisë së Kosovës, Samedin Mehmeti.

Në takim sipas njoftimit, u disktua për thellimin e bashkëpunimit ndërmjet dy institucioneve dhe mundësia që ShSKUK në të ardhmen të kryej vizitat shëndetësore sistematike për policët e Kosovës, arbresh.info.

Drejtori i SHSKUK-së, bëri të ditur se përkundër kohës së Pandemisë, me sukses janë kryer vizitat e rregullta kontrolluese për kadetët e rinj të policisë, bazuar në Memorandumin e Bashkëpunimit që është nënshkruar në muajin shtator të vitit 2020, me Policinë e Kosovës.

Në anën tjetër, drejtori i Policisë së Kosovë, Samedin Mehmeti ka falënderuar drejtorin e ShSKUK-së që edhe në kohë të Pandemisë, ka ofruar bashkëpunim dhe përkrahje të vazhdueshme për Policinë e Kosovës.

Dy palët u pajtuan që bashkëpunimi i nisur në vitin 2020, të vazhdojë edhe këtë vit./arbresh.info/