IHMK: Reshjet e shiut të martën, mund ta vështirësojnë gjendjen në Mitrovicë e Skenderaj

17:25 | 22 Janar 2023

Instituti Hidrometeorologjik i Kosovës ka njoftuar se të reshurat e shiut do të rikthehen sërish të martën.

Sipas IHMK-së, këto reshje mund ta vështirësojnë situatën e përmbytjeve në Skenderaj, Mitrovicë e Klinë.

Kjo për shkak të rrjedhave ujore të këtyre zonave janë në kapacitetet e tyre maksimale.

E po ashtu edhe tokat sidomos në zonat e rrafshta janë të tejngopura me ujë.

Reshjet e ditëve të kaluara shkaktuan vërshime të mëdha në Mitrovicë, Skenderaj dhe Klinë.

Ndërsa pasojë e reshjeve të fundit në vend u shkaktuan dëme në shuma prona në këto vende.