I mbijetuari i masakrës së Krushës së Madhe, me shëndet jo të mirë, vazhdon të bëjë punë fizike

07:13 | 15 Tetor 2018
Arbresh.info

Kushtet e vështira sociale e kanë shtyrë të punojë Selami Elshanin, i mbijetuari i masakrës së Krushës së Madhe.

Ai ka humbur gishtat e dorës, por pamundësia që ta sigurojë jetesën vetëm me ndihmën e shtetit, ka bërë që oborrin e shtëpisë ta shndërrojë në punëtori.

Ai thotë se këtë e bën gjithashtu për ta larguar mendjen nga ajo se çfarë ka përjetuar gjatë luftës së fundit në Kosovë, raporton KTV.

Ai më tutje shpjegon se si ka arritur të shpëtojë i vetëm nga masakra.

Pavarësisht asaj se çfarë ka përjetuar Elshani nga fshati Retijë i Rahovecit, ai vazhdon ta bëjë punën e tij, e cila kërkon shumë përkushtim dhe kujdes.

Puna të cilën ai e bën që nga viti 2007 nuk i shpërblehet aq sa duhet.

Selami Elshani është i vetmi i cili i kishte mbijetuar në masakrën e Krushës së Madhe të Komunës së Rahovecit gjatë vitit 1999.

https://video.gjirafa.com/i-mbijetuari-i-masakres-se-krushes-se-madhe-me-shendet-jo-te-mire-vazhdon-te-beje-pune-fizike