Policia e Kosovës, konkretisht nёn Stacioni Policor nё Vitomiricё-Pejё, ka pranuar informatё nga viktima se ne fshatin Vitomericë-Pejё, me datё 04.08.2020, persona të dyshuar kanë tentuar për të vjedhur dy televizorë pronë e viktimës, mirëpo falë intervenimit të shpejtë të njësiteve policore, të dyshuarit kanë ikur nga vendi i ngjarjes me ç’rast të dyshuarve iu është pamundësuar vjedhja e televizorëve.

Në të njëjtën datë i dyshuari, Q. Z. i lindur me 1995 m/ Kosovar, ka hyrë me forcë në një shtëpi në fshatin Novosellë – Pejë, dhe sipas viktimës aty ka vjedhur të holla në shumë prej Pesë mijë (5000) Dollar Amerikan.

Njësiti i Hetimeve pranë Stacionit Policor në Pejё, pas njё pune intensive operativo-hetimore me datё 06.08.2020, ka arritur tё identifikoj dhe arrestoj tё dyshuarin e këtij rasti.

Me urdhёr tё Prokurorit tё shtetit, i dyshuari pas intervistimit ndalohet pёr 48- orё./arbresh.info/