Qeveria e Kosovës e drejtuar nga kryeministri Albin Kurti, tash e disa muaj ka aplikuar në tre Organizatat kryesore të Evropës së Bashkuar, siç janë Këshilli i Evropës, Bashkimin Evropian dhe në Aleancën veri Atlantik.

Por, aplikimin e Kosovës në këto organizata ndërkombëtare, Enveri Hoxhaj, ish-ministër i Punëve të Jashtme, thotë se as që mund të llogaritet marrja e statusit në KiE, pranimin në BE dhe marrjen e partneritetit me NATO-n, raporton Arbresh.info.

Kjo nuk do të ndodh sipas ish-kryediplomatit pasi që Kosova është nën sanksione dhe kjo tregon çartë se si e sheh aktualisht BE shtetin e Kosovës dhe Qeverinë e saj.

Ndërlidhje tjetër Hoxhaj bënë edhe me vendimin e ministrave të BE-së, të cilët morën vendim për ta rritur numrin e ushtarëve të KFOR-it, që shndërrohet problem i sigurisë që mund të jetë parakusht për anëtarësimin e Kosovës në NATO.

Madje deputeti Hoxhaj tha se kjo politikë që po e ndjek kryeministri Kurti, nuk pret që do të ketë anëtarësime.

“Mjerisht Kosova është nën sanksione dhe këto sanksione nuk kanë vetëm efekt ekonomikë dhe financiar, por, tregojnë se si e sheh Bashkimi Evropian Kosovën. Dhe përderisa Kosova është nën sanksione nuk mund të llogaritet as që mund ta merr statusin e kandidatit për të cilin ka aplikuar, as që të bëhet shtet anëtar i Këshillit të Evropës, as të ndodh diçka nga marrja e partneritetit për paqe dhe hapja e dyerve drejtë anëtarësimit në NATO”, tha Hoxhaj.

Hoxhaj shkon aq larg sa që qeverinë e drejtuar nga kryeministri aktual e quan populliste që nuk mendon se si i bije mirë shtetit dhe qytetarëve, po ashtu se çfarë propagande duhet të ndodh me qëllim të merr sa më shumë vota./Arbresh.info/