Kryeministri i vendit, Ramush Haradinaj, është takuar me deputetin Labinot Tahiri, i cili gjatë javës së kaluar është dorëhequr nga postet në Aleancën Kosova e Re.

Takimin e ka bërë të ditur vetë kryeministri Haradinaj, përmes një postimi në rrjetin social Facebook, duke thënë se e vlerëson lartë angazhimin e deputetit Tahiri.

Ai ka shtuar se në këtë takim kanë biseduar për tema të rëndësishme të vendit, që janë brengë e qytetarit.

‘Kënaqësi të bashkëbisedoj me deputetin, Labinot Tahiri, për temat aktuale në vend dhe preokupimet e qytetarëve tanë”.

“E vlerësoj angazhimin e tij të sinqertë për t’u dhënë zgjidhje temave të interesit nacional, në të mirë të qytetarëve’, ka shkruar Haradinaj.

Ndryshe, deputeti i Kuvendit të Kosovës Labinot Tahiri,  u bë i famshëm falë aktivitetin të tij si këngëtar që merrej kryesisht me muzikë tallava. /arbresh.info/