Google ADS

Haradinaj: Është mbresëlënëse që Kosova ka gra të afta dhe të gatshme për t’i kapërcyer sfidat pjesëmarrëse në politik

18:51 | 19 Shtator 2023

Kryetari i Aleancës për Ardhmërinë e Kosovës (AAK), Raamush Haradinaj ka marrë pjesë në ceremoninë përmbyllëse të Programit të Mentorimit për Lidership.

Me anë të një postimi në Facebook, Haradinaj ka thënë se ky program i ndihmonë gratë të cilat kanë filluar rrugëtimin e tyre në politik, shkruan Arbresh.info.

Mes tjerash, i pari i AAK-së shtoi se është mbresëlënëse që Kosova ka gra të afta, të gatshme të rrisin profilet e tyre publike dhe të kapërcejnë sfidat e pjesëmarrjes politike.

“Në ceremoninë përmbyllëse të Programit të Mentorimit për Lidership, program ky i organizuar nga NDI dhe mbështetur nga USAID dhe Agjencia Zvicerane për Zhvillim dhe Bashkëpunim (SDC). Përmes këtij formati, NDI i ndihmon gratë të cilat kanë filluar rrugëtimin e tyre në politikë, të zgjerojnë rrjetin e tyre politik dhe profesional, duke punuar bashkë në avancimin e karrierës së tyre politike”, ka shkruar Haradinaj.

“Është mbresëlënëse që Kosova ka gra të afta, të gatshme të rrisin profilet e tyre publike dhe të kapërcejnë sfidat e pjesëmarrjes politike. Kam besim se ky program do t’i ndihmojë ato të përfitojnë ndjeshëm në karrierën e tyre që të arrijnë potencialin e plotë”, shtoi ai.

Në fund, Haradinaj ka falënderuar NDI-në për partneritetin e vazhdueshëm ndër vite, në tema të rëndësishme për vendin./Arbresh.info