Gjykata Themelore në Prishtinë ka refuzuar kërkesën e Prokurorisë Themelore  për caktimin  masës së paraburgimit  për personin që kërcënoi prokuroren special, Drita Hajdari. Këtë e ka bërë të ditur gjykata përmes një njoftimi për media.

Sipas njoftimit  të gjykatës,  ndaj personit në fjalë është caktuar masa e ndalimit për t’iu afruar prokurores Hajdari në kohëzgjatje prej një muaji,  si dhe  obligohet i pandehuri A.A që të mos i afrohet të dëmtuarës – prokurores së PSRK-së D.H në distancën prej së paku 100 metra.

“Është caktuar masa e sigurisë kundër të pandehurit A.A Prishtinë, 13 janar 2020 – Gjykata Themelore në Prishtinë – Departamenti për Krime të Rënda ka vendosur lidhur me kërkesën e Prokurorisë Themelore në Prishtinë për caktimin e masës së paraburgimit kundër të pandehurit A.A. për shkak të veprës penale Shtytje ne Vrasje nga neni 172 lidhur me nenin 32 par.3 të KPRK-së”, thuhet në komunikatë, përcjellë arbresh.info.

Gjykata po ashtu  ka marrë aktvendim dhe ka refuzuar kërkesën e prokurorisë për caktimin e paraburgimit kundër të pandehurit A.A dhe të njëjtit i ka caktuar masën ndalim për t’iu afruar personit të caktuar në kohëzgjatje prej 1 (një) muaji, andaj obligohet i pandehuri A.A që të mos i afrohet të dëmtuarës – prokurores së PSRK-së D.H në distancën prej së paku 100 metra.

Gjykata ka konstatuar se masa ndalim për t’iu afruar personit të caktuar kundër të pandehurit A.A është masë e mjaftueshme dhe adekuate për zhvillimin e pa penguar të rrjedhës së procedurës penale në këtë fazë të procedurës penale. Pala ka të drejtë ankese kundër këtij vendimi në Gjykatën e Apelit të Kosovës. /arbresh.info/