Ka nisur mbledhja e Kryesisë së Kuvendit të Kosovës në të cilën po diskutohen 13 pika të rendit të ditës.

Ndër pikat e rendit të ditës është edhe zgjedhja e tre anëtareve të ri të Bordit të Radiotelevizionit të Kosovës (RTK) nga radhët e komuniteteve jo shumicë.

Në rend dite sot është edhe shqyrtimi i parë i projektligjit për Gjykatën Komerciale.

Ky është rendi i plotë i ditës:

1. Miratimi i procesverbali të mbledhjes së mëparshme të Kryesisë së Kuvendit,
2. Përgatitjet për Seancë plenare:

3.Deklarimet jashtë rendit të ditës,

4.Pyetjet parlamentare,

5.Miratimi i procesverbalit nga seanca e mëparshme,

6.Shqyrtimi i Projektligjit nr.08/L-006 për ratifikimin e amendamentimit të Marrëveshjes ndërkombëtare me Bankën Evropiane për Investime (BEI), për financimin e Projektit për rehabilitimin e linjës hekurudhore 10,

1. Shqyrtimi i Projektligjit nr. 08/L-019 për amendamentimin 02 të Marrëveshjes bilaterale ndërmjet Qeverisë së Republikës së Kosovës dhe Qeverisë së Dukatës së Madhe të Luksemburgut për Projektin e bashkëpunimit për zhvillim “KSV/017: Programi për mbështetje shëndetësore (pjesa II),

8.Shqyrtimi i parë i Projektligjit nr. 08/L-016 për ndryshimin dhe plotësimin e Ligjit nr.07/L-041 mbi ndarjet buxhetore për buxhetin e Republikës së Kosovës për vitin 2021,

9.Shqyrtimi i parë i Projektligjit nr. 08/L-015 për Gjykatën Komerciale,

10.Shqyrtimi i Rekomandimit të Komisionit për Bujqësi, Pylltari, Zhvillim Rural, Mjedis, Planifikim Hapësinor dhe Infrastrukturë për shkarkimin e anëtarëve të Bordit të Autoritetit Rregullativ të Hekurudhave,

11.Votimi i kërkesës së Komisionit për Bujqësi, Pylltari, Zhvillim Rural,  Mjedis, Planifikim Hapësinor dhe Infrastrukturë për ndryshimin e emërtimit të këtij komisioni,

1. Zgjedhja e tre (3) anëtarëve të Bordit të Radiotelevizionit të Kosovës nga radhët e komuniteteve jo shumicë,
2. Propozim-rezoluta nga debati parlamentar për zbatimin e Marrëveshjes së Uashingtonit,
3. Propozimi i Grupit Parlamentar të Lidhjes Demokratike për zëvendësimin e anëtarit në komision parlamentar.
4. Shqyrtimi i propozimeve dhe i kërkesave