Ambasada e Shteteve të Bashkuara të Amerikës në Kosovë ka njoftuar për ekstradimin e dy të akuzuarve për mashtrim të qytetarëve amerikanë.

Në njoftimin e ambasadës thuhet se falë koordinimit me autoritetet në Kosovë, dy të pandehurit janë ekstraduar në SHBA për t’u përballur me drejtësinë për akuzat.

Ambasada e SHBA-ve në Kosovë vlerësoi bashkëpunimin e vazhdueshëm të autoriteteve kosovare, duke theksuar se ky rast forcon përpjekjet e përbashkëta për të mbajtur të sigurt qytetarët e të dyja shteteve.

“Falë koordinimit të shkëlqyeshëm dypalësh në kuadër të Marrëveshjes së Ekstradimit SHBA-Kosovë, dy të pandehur janë ekstraduar në Shtetet e Bashkuara për t’u përballur me drejtësinë për gjoja viktimizimin e shtetasve amerikanë. Ne vlerësojmë shumë bashkëpunimin e vazhdueshëm të autoriteteve kosovare në ndihmën e qeverisë amerikane me këtë rast, i cili forcon përpjekjet tona të përbashkëta për të mbajtur të sigurt si Kosovën ashtu edhe Shtetet e Bashkuara”, thuhet në njoftim./Arbresh.info