“Demarkacioni do të ratifikohet nga pala kosovare”

12:01 | 15 Shkurt 2018

Avokati Arianit Koci ka komentuar vizitën e Kryeministrit të Malit të Zi Dusko Markovic në Prishtinë i cila dha sinjale se dy palët kanë gjetur mundësinë që pala kosovare ta ratifikojë marrëveshjen për kufirinin e cila tashmë është punë e kryer në Podgoricë.

Koci ka shkruar se pala malazeze po tregon vullnet në frymën e fqinjësisë së mirë për ta zgjidhur këtë çështje.

Më poshtë mund ta lexoni të plotë postimin e tij.

Demarkacioni kalon!

Prej Ramush Haradinaj presim vendime që janë jo të lehta, por që janë në frymën dhe orientimin e partneritetit strategjik me aleancën veri-atlantike.

Në fakt, Ramushi ka kapacitet prej lideri të vërtetë, që temat madhore duke pëfshirë demarkacionin t’i shtyejë përpara, pa humbur territor dhe pa e dëmtuar Kosovën. Rrjedhimisht, edhe çështja e liberalizimit të vizave do të kalojë në fazën finale.

Natyrisht, kemi fatin që kryeministri malazias, Dushko Markoviq, një prej politikanëve më të ndershëm të Ballkanit, së bashku me z. Gjukanoviq, po tregojnë vullnet që në frymën e fqinjësisë të mirë, ta zgjedhim demarkacionin.

Prandaj, po, demarkacioni kalon!

Shpërndaje në rrjete sociale

Lajmet më të lexuara