Përpjekjet e shembura të së premtes për themelimin e Gjykatës Speciale, po kërkon t’i rinisë edhe njëherë kreu i qeverisë, Qeveria e Kosovës.

Në mbledhjen e kabinetit qeveritar, kreu i ekzekutivit, Isa Mustafa, ka thënë se shumë shpejt do të riprocedohet amendamenti që mbrëmë nuk i mori votat e duhura. Ai ka ripërsëritur se qeveria dhe institucionet e Kosovës duhet t’i përmbushin obligimet ndërkombëtare që i kanë marrë, raporton KTV.

Mustafa ka thënë se duhet të bashkërendohen qëndrimet me opozitën për çështjen e Gjykatës Speciale. Sipas tij, një pjesë e opozitarëve një vit më parë e kishin dhënë votën e tyre pro themelimit të kësaj Gjykate.

Ndërkaq zv.kryeministri, Hashim Thaçi, ka theksuar se themelimi i kësaj Gjykate nga institucionet e vendit është jetike. Kuvendi i Kosovës në seancën e së premtes nuk arriti t’i votojë ndryshimet kushtetuese, që i hapin rrugë themelimit të Gjykatës Speciale, transmeton Koha.net.

Me 75 vota për, 7 kundër dhe 2 abstenime, Kuvendi nuk e miratoi këtë ndryshim të nevojshëm. Votat kundër të deputetëve të PDK-së ishin vendimtare që të mos bëhen ndryshimet kushtetuese.